"Talur Punya Pasal"

Penjual

“pisssssst……pissssssst…….wang …..abang……adik……..”

Mau? atu tah yang kami kna isyaratkan, pada mulanya kami nda tau yang sipanjual ani offer.Kami empat orang ganya masa atu ke Kota kinabalu, biasalah “enjoy” cakap kedayannya, orang putihnya “makan angin”. Lagipun masa atu kami semalam udah disana jadinya keesokan paginya kan meliat makanan tah kami untuk dimasak maklumlah menyewa apartment, nda lagi beguna hotel telampau ambung, apa lagi kawan ku ni telampau eski jalan sana jalan sini, ngam tia kami lalu rah pasarnya, kali kawan ku ani awal didapan, kali kna panggil oleh sipanjual “pisssssst…….wang…..abang…..adik…… mau?”jari telunjuknya atu ditamukannya sama ibujarinya dibuatnya macam circle,then jarinya yang lain didirikan nya macam gambar diatas atu, iatah udah tu. Kalikan kata kawan ku ani apakan signalnya tu, biasalah sama-sama nda tau, so kawanku ni telampau angar…… iatah katanya “skoding kali wang”,betanya tah kami pasal nda puas hati, alum lagi sampat sipanjual atu becakap kawanku ani menyampuk, “ skodingkah ? dmana kan?” .

Sekali kata orang atu “bukan skoding eh atu minta tangkap tu,..” “ talur panyu……mau balikah?” “murah saja ni”

“Iakah mun talur panyu dijual… sama jua kna tangkapnya,baik lagi skoding tu ”kata kawanku ani tarus tah kami bejalan arah lain….

Memasak

Perkara yang lain terjadi disuatu tempat tetapi bukan pasal jual bali, ani pasal memasak pulang ni,orang ani pernah membali talur panyu arah kawannya yang bernama tut…. malangnya orang ani sudah kawin tapi kan lakibini nda tau bah cara masak talur panyu ani, manakkan jua mau beli tapi nda ia btanya arah orang yang bejual ani, takut kena ucapkan oleh orang lain. Selepas atu betanya tia arah kawan ku yang sorang ani benama tut….. p you all mau tau ia ni kuat menyaya orang kalau orang nda tahan baibun terajun bah bunuh diri olehnya, disana tia arahnya betanya. Situt1:“wang ko pandai masak talur panyu?” situt2: “ atu banar sanang kali ah” situt1: “ iakan? Ajar ku wang” Situt2: “ bah ok tu, mula-mula kau panaskan air sampai bedidih, lapas atu kau masukkan tia talur atu sampai ia karas macam bola ping pong”.

Sudah malamnya masak tia situt1 ani talur atu, dipanaskannya air pas tu dimasukkannya talur panyu atu, ditunggu-tunggunya alum jua karas, air rebusan ani tuhus udah, dimasukkannya lagi air, sama jua alum tah jua karas-karasnya, nda puas hatinya talipaunnya lagi situt2 ani. Situt1: “wang nda jua mau karas tu, masih jua licak, airnya 2 kali udah ku masukkan” situt2: “iakan? Mau tu” rupanya situt2 ani menahan ketawa dah. Situt1: “bah aku cuba lagi”. Sudah beberapa kali ia cuba nda jua karas-karasnya, tanyakannya arah ku so ia talipon akulah ia pun explain satu-satu pasal awal cetanya, jadinya ku bagitau arahnya “ wang atu kiamat hari mun kan nunggu karas macam bola ping pong”

Esoknya bahabar tia sikawan anis al puas udah hatinya menyaya orang eheheheh……